Muny búgin Almatydaǵy eńbek, áleýmettik qorǵaý jáne kóshi-qon departamentiniń basshysy Aıdynjan Narmatov almatylyqtardyń taǵy da esine saldy: Kollektorlyq kompanııaǵa ótip ketken nesıeler de ál-aýqaty tómen bolsa da keshirilmeıdi.
Sondaı-aq kollektorlyq kompanııaǵa ótip ketken nesıeler de keshirilmeıtini osy jıynda belgili boldy.
«Osy aǵymdaǵy jyldyń 1 maýsymǵa deıin onyń alǵan nesıesi 3 000 000 teńgeden aspaýy kerek jáne de oǵan jalpy ókimet tarapynan tólenip beretin aqshanyń sommasy 300 000 teńgeden aspaıdy. Endi bir otbasydan eki adam alǵan jaǵdaı bolsa, bólek-bólek árqaısysynyń jańaǵy nesıesi 3 000 000-nan aspaıtyn bolsa, talaptarǵa saı keletin bolsa, ol ekeýine de 300 - 300 myń teńgeden 600 000 teńge nesıesi jabylyp beredi» dedi Almaty qalasy Eńbek, áleýmettik qorǵaý jáne kóshi-qon komıteti departamentiniń basshysy Aıdynjan Narmatov.
Esterińizde bolsa, Qarjy mınıstri Álıhan Smaılov Úkimette ótken selektorlyq jıynda Premer-Mınıstrdiń orynbasary ári Qarjy mınıstri Álıhan Smaıylov kollektorlyq bıýroǵa ótken kredıtterdi memleket qandaı jaǵdaıda tóleıtinin túsindirgen bolatyn.
Keıbir kredıtter kollektorlarǵa berilse de, banktiń balansynda qala beretini belgili. Mundaı jaǵdaıda qaryzdyń aıyppuly men ósimpuly, sondaı-aq, turmysy tómen azamattardyń bereshegi 300 myń teńgege deıin óteledi. Al eger kredıt tolyǵymen kollektorlyq bıýroǵa ótip ketken jaǵdaıda eshqandaı kómek bolmaıdy. Bul azamattar qaryzdy da, aıyppuldy da ózderi tóleıdi. Oǵan memleket aralasa almaıdy.
«Bankter men mıkroqarjylandyrý uıymdary kollektorlarmen jumys istegen kezde debıtorlyq bereshekti satýy da, satpaýy da múmkin. Birinshi jaǵdaıda bankter sotqa júginbeı turyp, kollektorlarǵa bereshekti qaıtarýǵa tapsyrma beredi. Ondaıda debıtorlyq bereshek bankte qala beredi. Sondaı bereshekti biz óteımiz. Al debıtorlyq bereshek kollektorlyq agenttikke satylǵan kezde, ol bankte qalmaıdy. Jarlyqqa sáıkes bankter men mıkroqarjylandyrý uıymdarynyń balansynda turǵan kredıt ǵana óteledi» degen bolatyn Álıhan Smaıylov Úkimette ótken baspasóz máslıhatynda.
Osyǵan deıin qaryz boıynsha talap etý quqyǵy kollektorlyq agenttikke emes, bankke nemese mıkroqarjy uıymyna tıesili bolsa, 300 myń teńgege deıini óteletini, qaryz boıynsha quqyq (talaptar) kollektorlyq agenttikke satylǵan (qaıta berilgen) bolsa, bereshekti memlekettiń ótemeıtini talaı ret aıtylǵan.
Sol máseleni búgin Almaty qalasy Eńbek, áleýmettik qorǵaý jáne kóshi-qon komıteti departamentiniń basshysy Aıdynjan Narmatov taǵy da eske salyp otyr.
Sebebi osy máselede túsinbestikter jıi bolyp turady eken.
ALMATY